6 / 100
6
UNIVERSITY OF JOHANNESBURG
BOODSKAP VAN
DIE VISEKANSELIER
EN REKTOR
Jy gaan binnekort met ’n nuwe reis begin.
Die keuses wat jy nou maak en die deure
wat jy besluit om nou oop te maak, sal ’n
diepgaande invloed op jou lewe hê. Twee van
die belangrikste besluite wat jy gaan neem, is
wat om te studeer en waar om te studeer. Watter
universiteit gaan jy as jou tuiste kies?
Suid-Afrika beleef op die oomblik geweldige
veranderings. Ons land het uitstekende leiers
nodig om ons na 'n vooruitstrewende toekoms te
lei, 'n toekoms wat almal sal laat vooruitgaan. Om
doeltreffend te kan lei, is kennis onontbeerlik en
daarom is opleiding uiters belangrik. Indien jy nie
kennis het nie, kan jy nie lei nie. Aan die Universiteit
van Johannesburg (UJ) is ons verbind tot die skep van
toestande sodat jy een van hierdie inspirerende en
doeltreffende leiers kan word.
Ons hoofprioriteit is jou toenemende akademiese
en intellektuele ontwikkeling en om uiteindelik 'n
gegradueerde te vorm wat ten volle toegerus is
om die werkswêreld plaaslik en internasionaal te
betree. Ons visie is om jou te leer om in die vierde
nywerheidsrevolusie 'n doeltreffende deelnemer te
wees, waar tegnologie besig is om alle aspekte van
ons lewens te verander, insluitend ons huise
en werksplekke.
By UJ sal jy uitstekende akademici uit lande oor die
hele wêreld teëkom, wat tot jou akademiese sukses
sal bydra. Jy sal ook uit 'n wye verskeidenheid van
die beste programme kan kies, van voorgraadse
diplomas tot doktorsgrade, in ons sewe fakulteite
en een Kollege. Tegnologiekundige benaderings,
wat gunstig met die beste universiteite in die wêreld
vergelyk, word in onderrig en leer gebruik.
Ons studente is ons familie. Ons verskaf 'n
aangename, veilige, ondersteunende en intellektueel
stimulerende omgewing. Jy sal 'n vriendekring kan
opbou wat jy vir die res van jou lewe sal behou.
Ons gee voortdurend aandag daaraan om jou
studente-ervaring te verhoog. Om jou te help met
jou oorgang van skool na universiteit bied UJ se
Eerstejaarervaringsprogram ondersteuning- en
ontwikkelingsgeleenthede, terwyl uitstekende
akademiese en tutorprogramme 'n naatlose reis
tydens jou universiteitstudie verseker.
Ons Seniorjaarervaringsprogram sal jou tot by jou
finale jaar, graduering en verder aanspoor, óf tot 'n
nagraadse kwalifikasie óf die beroepslewe. Ander
ondersteuningstelsels en buitemuurse geleenthede
sal tot jou holistiese ontwikkeling bydra.
By UJ is ons passievol oor gemeenskapsdiens en
om 'n verskil in ons gemeenskap te maak. Jy sal
die geleentheid kry om saam met ander studente
positiewe verandering te bewerkstellig.
UJ se wêreldwye statuur en akademiese robuustheid
word deur die meeste toonaangewende
hoëronderdwysgraderingstelsels in die wêreld erken.
Hierbenewens is UJ die enigste Afrika-universiteit wat
die eerbewys van lidmaatskap van U21 ontvang het,
'n elitekonsortium van wêreldwye universiteite van
elke vasteland, waarvan die meeste in die top-100 in
die wêreld geplaas is. Hierdie lidmaatskap verbind
ons met die allerbeste in hoër onderwys wêreldwyd.
UJ is 'n jong, dinamiese universiteit en ons
gegradueerdes druk hul stempel af in ons land, op
die vasteland en verder. Ons voed ons studente
op om dinamiese deelnemers aan die vierde
nywerheidsrevolusie te wees, waar tegnologie alle
aspekte van ons lewens verander, insluitend ons
huise en werkplekke. Jou UJ-kwalifikasie is ontwerp
om jou te help om jou loopbaan aan te pak, dus,
wanneer jy gradueer sal jy alles hê wat jy nodig het
om ʼn persoon te word wat die toekoms herbedink
tot voordeel van ons wêreld – 'n ware
UJ-handelsmerkambassadeur.
Jou keuse van UJ as jou akademiese tuiste is die beste
belegging wat jy kan maak.
Prof. Tshilidzi Marwala
Visekanselier en Rektor