7 / 100
7
2022 UNDERGRADUATE PROSPECTUS
UMLAYEZO OVELA
KUSEKELA SHANSELA
NOTHISHANHLOKO
Masinyane uzobe uthatha uhambo olusha.
Ukukhetha okwenzayo manje, iminyango
okhetha ukuyivula manje, izoba nomthelela
omkhulu empilweni yakho. Ezinye zezinqumo
ezimbili ezibaluleke kakhulu okufanele uzithathe
ukuthi uzothatha ziphi izifundo nokuthi
uyofunda kuphi. Iyiphi inyuvesi ozoyikhetha
ukuba ibe yikhaya lakho?
INingizimu Afrika inezinguquko eziningi. Izwe lethu
lidinga abaholi abanobuqabavu ukuzosiholela
kukusasa eliqhakazile, ikusasa elithuthukisa wonke
umuntu. Ukudlulisa kahle ulwazi kubalulekile
ngakho-ke imfundo ibalulekile. Uma ungazi ungeke
ukwazi ukuhola. Enyuvesi yase-Johannesburg
(UJ), sizibophezela ekukudaleleni izimo zokuba
ube ngomunye walaba baholi abanogqozi
nabaphumelelayo.
Okubaluleke kakhulu kithina ukuqhubekela phambili
kwakho kwezemfundo nokuthuthukisa ukukhalipha
komqondo wakho bese kuthi ekugcineni
kulolongwe oneziqu ohlonyiswe ngokuphelele
ukuba ahlanganyele nendawo yomsebenzi,
ekhaya naphesheya kwezilwandle. Umbono
wethu ukunifundisa ukuba nibe ababambiqhaza
abaphumelelayo oguqukweni lwesine lwezimboni
lapho ithekhnoloji iguqula khona yonke imikhakha
yempilo yethu ngisho nasemakhaya nasemisebenzini
imbala.
E-UJ, uzohlangabezana nemiqondo ephusile
kwezemfundo ukusuka emazweni ngamazwe
emhlabeni, ezonikela empumelelweni yakho
kwezemfundo. Uzofanela nokuthi ukhethe
phakathi kwezinhlelo eziningi eziwungqa phambili,
ukusuka kumadiploma wabangakathweswa iziqu
kufikela kuziqu zobudokotela kumafakhalithi
ethu ayisishiyagalombili. Izindlela ezisebenzisa
ithekhnoloji kakhulu, eziqhathaniseka kahle
namanyuvesi aseqophelweni eliphezulu emhlabeni,
zisetshenziswa ekufundiseni nasekufundeni.
Abafundi bethu bangumndeni wethu. Sihlinzeka
ngendawo ejabulisayo, ephephile, enokweseka,
nendawo evuselela ubuhlakani. Uzokwazi
ukuxhumana nabangane abazokwazi ukuba nawe
impilo yakho yonke.
Sihlala sinaka ukukhulisa ulwazi lwakho
njengomfundi. Ukukusiza ukuwela ukusuka
esikoleni ukuya enyuvesi. Uhlelo Lwabaqalayo e-UJ
lunikeza ukweseka namathuba okuzithuthukisa
kanti izinhlelo ezinamandla zemfundo nokwesekwa
abasizi bafundisi ziqinisekisa uhambo oluqondile
ezifundweni zakho zasenyuvesi. Uhlelo lwabafundi
abadala luzokusiza uma usuya ngasonyakeni
wokugcina, wokwethweswa iziqu nokwedlula lokho,
lingakufaka ekuzuzeni iziqu ezingaphezulu noma
empilweni yokusebenza ngobuchwepheshe. Izinhlelo
ezengeziwe zokukweseka kanye namathuba okwenza
imisebenzi engeyona ingxenye yezifundo kuzonikela
ekukuthuthukiseni ngokuphelele.
E-UJ sisha amashushu ngokusebenzela umphakathi
nokwenza umehluko emphakathini wethu. Uzothola
ithuba lokuhlanganyela nabanye abafundi ukuletha
izinguquko eziwusizo.
Isimo somhlaba se-UJ nemfundo enamandla yaziswa
izinhlelo eziphezulu zemfundo ephakeme emhlabeni.
Ukugcwalisa, i-UJ yiyona yodwa inyuvesi yase-Afrika
eke yahlonishwa ngobulungu be-U21, inhlangano
ekhethekile yamanyuvesi omhlaba wonke ukusuka
kuwo wonke amazwekazi, lapho ubuningi bawo
abekwe e-100 eliphezulu emhlabeni. Lobu bulungu
busixhumanisa nabantu abahle impela kwezemfundo
ephakeme emhlabeni.
I-UJ yinyuvesi eseyintsha enamandla futhi abathole
iziqu khona bayagqama ezweni lethu, ezwenikazini
nangale kwalo. Sithuthukisa abafundi bethu ukuba
babe ababambiqhaza abaseqophelweni Oguqukweni
Lwesine Lwezimboni, lapho ithekhnoloji iguqula
yonke imikhakha yempilo yethu, kufaka namakhaya
nezindawo zokusebenza. Iziqu zakho zase-UJ zihlelwe
ukukusiza ukumisa umsebenzi wakho ngendlela
yokuthi mhla uthweswa iziqu, ube nakho konke
okudingayo ukuba umuntu ocabanga ngekusasa
nokuthi usize umhlaba wethu – inxusa loqobo
lophawu lwase-UJ.
Ukukhetha kwakho i-UJ njengekhaya lakho lemfundo
ukuzibekela okuhle kakhulu ongakwenza.
Slz Tshilidzi Marwala
USekela-Shansela neNhloko